Kushughulikia mambo yote yanayohusu afya ya jamii, elimu na huduma za maji. Kamati hii pia itashughulikia mambo yanayohusiana na jitihada wananchi vijijini kujiletea maendeleo yao kwa kutumia mbinu mbalimbali ikiwa ni pamoja na kushauri, kushawishi, kuzindua, kutekeleza, kusimamia na kutathmini mipango yao ya maendeleo.
Majukumu Maalumu Ya Kamati:
Kuandaa mipango madhubuti ya maendeleo ya upanuzi na ujenzi wa hospitali, vituo vya afya na zahanati.
Kuandaa mipango ya maendeleo ya upanuzi na ujenzi wa shule za awali na msingi na elemu ya watu wazima kwa mujibu wa sheria ya elimu ya mwaka 1978 kama ilivyorekebishwa mwaka 1995.
Kupendekeza mipango ya ujenzi au upanuzi wa vituo, viwanja na majengo na mazingira ya burudani, starehe, mapumziko na michezo.
Kuamua juu ya mambo yanayohusu uhifadhi wa mambo ya kale na mandhari mbalimbali zenye sura nzuri.
Kuandaa na kuratibu njia bora juu ya uhifadhi wa nyaraka muhimu kwa ajili ya kumbukumbu hizo zitahifadhiwa kwa mujibu wa sheria ya Serikali za mitaa sura ya 287.
Kupendekeza njia bora juu ya uhifadhi wa sanaa mbalimbali za ufundi na za moanyesho kwa mujibu wa sheria ya Serikali za mitaa sura ya 287.
Kupendekeza matumizi mzuri ya lugha ya taifa.
Kupendekeza namna ya malezi ya vijana ili waweze kuwa wazalishaji katika Taifa.
Kusimamia uanzishaji wa uendelezaji wa vikundi vya jamii na vya hiari vya wananchi katika Halmashauri kwa mujibu wa sera wa maendeleo ya jamii.
Kusimamia na kuhakiki maeneo ya misitu, mapori, na mbuga zilizotengwa kama hifadhi ya mamlaka ya Serikali za Mitaa.
Kupendekeza na kufanya tathimini ya uendelezaji wa mabonde, mito na mabwawa.
Kubuni na kupendekeza namna ya kudhibiti moto .
Kubuni na kupendekeza mikakati ya utumiaji wa nishati mbadala, kuzuia ukataji miti ovyo, na kuhimiza upandaji miti kwa wingi.
Kuhakikisha kwamba ukaguzi wa majengo unafanyika mara kwa mara.
Kupendekeza mipango madhubuti ya ujenzi wa barabara vijijini na wilayani kwa ujumla.
Kupendekeza sheria ndogo zinazohusu kamati hizi.
Kamati Ya Kudumu Ya Kudhibiti UKIMWI:-
Kushirikisha wadau tofauti katika maeneo husika ili kuongeza uchangiaji wa mawazo na /au nyenzo, usimamizi, utaratibu na utekelezaji wa kazi za tume za kudhibiti UKIMWI.
Kusimamia uundaji wa kamati zote za kudhibiti UKIMWI.
Kupendekeza na kuchambua hali ya UKIMWI/mipango na utekelezaji wake na kufikisha katika ngazi husika kwa hatua zaidi.
Kutathimini hali ya UKIMWI katika eneo lake kuhusu:-
Idadi ya waathirika, wagonjwa, yatima, wajane.
Kasi ya maambukizo.
Mazingira maalum yanayochangia maambukizo.
Uelewa wa wananchi juu ya janga hili.
Serikali haitatoa fedha kwa Halmashauri isiyokuwa na mipango madhubuti ya kudhibiti UKIMWI.
Kuweka mikakati madhubuti ya kuhakikisha kila motto aliyefikia umri wa kwenda shule anafanya hivyo.
Kuweka mikakati ya makusudi juu ya njia bora za kuchangia baadhi ya huduma za elimu na afya.
Kubuni na kupendekeza njia bora za kuzuia na kudhibiti magonjwa ya milipuko.
