Pikipiki zilizokabidhiwa kwa Maafisa elimu kata

Tarehe ya kuwekwa: August 16th, 2018

Mkuu wa wilaya ya Sumbawawanga Dr Khalfani Haule amekabidhi pikipiki ishirini na saba zenye thamani ya shilingi milioni tisini na nne kwa maafisa elimu kata, tukio hilo limefanyika August 15, 2018 katika ofisi za Mkurugenzi mtendaji  wa Halmashauri ya wilaya ya Sumbawanga

Amesema serikali imekuwa na mpango wa kuwanunulia waratibu elimu kata pikipiki kupitia mpango wa LANES(Literacy and Numerus Education Support) lengo kubwa la mpango huu ni kukuza stadi kuu tatu za kusoma, kuhesabu na kuandika (K.K.K) katika shule za msingi.

Pia amewataka maafisa elimu kata wakasimamie ufaulu kwa kuwa tayari wana vyombo vya usafiri.”Fuatilieni wanafunzi watoro na muwarudishe shuleni”

Katika suala la utunzaji wa pikipiki amewataka wazitunzwe katika kiwango kinachotakiwa ili zibaki na hali yake ya uimara na zitumike katika malengo yaliyokusudiwa

Dr. Haule pia amewataka wakakamilishe ujenzi wa vyumba vitatu vya madarasa kwa kila shule ili kupunguza msongamano wa wanafunzi ikiwa ni pamoja na kujenga shule mpya kwa vijiji ambavyo havina shule.

Pia amwataka waache tabia ya kufukuza wanafunzi kwa sababu ambazo hazina msingi, zaidi kuwahimiza washirikiane na jamii iliyopo ili kuongeza tija ya ufaulu kwa wanafunzi