Ziara Ya Naibu Waziri, Ofisi ya Rais Utumishi na Utawala Bora, Mhe. Deogratius John Ndejembi (Mb).

Tarehe ya kuwekwa: January 20th, 2022

Naibu Waziri, Ofisi ya Rais Utumishi na Utawala Bora, Mhe. Deogratius John Ndejembi (Mb), alifanya ziara katika Halmashauri ya Sumbawanga mnamo tarehe 19/01/2022. Katika ziara hiyo alifanikiwa kutembelea shamba la karanga la kikundi cha Kukombolewa kilichopo kijiji cha Lusaka Kata ya Lusaka Halmashauri ya Sumbawanga. Kikundi hicho kimeundwa na wanufaika 13 wa mfuko wa TASAF. Naibu  Waziri alikipongeza kikundi hicho kwa namna ambavyo kimetumia fursa ya fedha za wanufaika wa TASAF kujikwamua kiuchumi. Pia alimuagiza Mkurugenzi Mtendaji (W) kuhakikisha kikundi hicho kinakuwa cha mfano kwa wanufaika wote wa TASAF wa Halmashauri hiyo na kupelekea wengine kuiga mfano.

Pia alitembelea ujenzi wa jengo la Utawala la Halmashauri ya Sumbawanga na kujionea ujenzi unavyoendelea. Aliweza kushauri baadhi ya mambo kwa menejimenti ya Halmashauri pamoja na Mkandarasi wa mradi huo kuhusiana na ujenzi wa jengo hilo.

Kisha aliongea na wakuu wa Idara na Vitengo na kupokea taarifa ya watumishi kutoka kwa Mkurugenzi Mtendaji wa Halmashauri Bi. Lightness Msemo. Baada ya hapo alipata fursa ya kuongea na watumishi wa Halmashauri ambapo alipokea kero mbalimbali za watumishi na kuzipatia majibu. Mwisho aliwataka watumishi kutimiza wajibu wao kwani Selikali imepunguza kero za watumishi kwa kiwango kikubwa.