MH.MKIRIKITI ARIDHISHWA NA MRADI WA JENGO LA UTAWALA HALMASHAURI YA WILAYA SUMBAWANGA

Tarehe ya kuwekwa: May 19th, 2022

Mkuu wa Mkoa wa Rukwa Joseph Mkirikiti leo (19.05.2022) amefanya ziara ya kutembelea makao makuu ya Halmashauri  ya Wilaya ya Sumbawanga iliyopo mjini Laela ambapo amekagua na kuridhishwa na kasi ya ujenzi wa jengo la utawala.

Akiwa kwenye eneo hilo Mkuu huyo wa Mkoa alijionea kazi inayoendelea kufanywa na mafundi na kuwapongeza kwa namna mradi huo sasa unavyoendelea kutekelezwa.

Kwa upande wake Mkurugenzi Mtendaji wa Halmashuri hiyo Lightness  Msemo alisema kazi ya ujenzi wa mradi huo inaendelea vema na kuwa halmshauri imejipanga kuhakikisha mradi huo unakamilika kwa ubora uliokusudiwa ili watumishi wapate mazingira mazuri ya kutoa huduma kwa wananchi.

Akizungumzia gharama za mradi huo Msemo alisema hadi sasa jumla ya  shilingi Bilioni Mbili zimetumika  kati ya shilingi Bilioni 2.7 zilizopangwa na unatarajia kukamilika mwaka huu wa fedha.

Mradi huo unatekelezwa na mkandarasi Chuo Kikuu cha Sayansi na Teknolojia cha Mbeya ( MUST).

Mwisho.