Kikao cha Baraza la Wah. Madiwani

Tarehe ya kuwekwa: October 29th, 2021

Kikao cha Baraza la madiwani kilichoketi tarehe 28/10/2021 katika ukumbi wa kituo cha kilimo Laela kikiongozwa na Mwenyekiti wa Halmashauri Ndg Kalolo Ntila, kimepokea na kujadili taarifa mbalimbali ikiwemo taarifa ya mapato na matumizi ya Halmashauri ya Wilaya ya Sumbawanga, kikao hicho ambacho ni cha kwanza kwa mwaka wa fedha 2021

Upande wa mapato hadi kufikia Septemba 2021, Halmashauri imefanikiwa  kukusanya  jumla  ya    TZS   2,345,153,600.00 kutoka  kwenye  vyanzo mbalimbali.

Kati ya fedha hizo makusanyo   yatokanayo  na mapato ya ndani  ni kiasi cha TZS   370,808,391.11 sawa   na asilimia 13, Ruzuku  ya Mishahara  ni TZS  1,667,479,000.00  sawa  na asilimia 7, Mapato   mengineyo   ni TZS  34,071,500.00 sawa  na asilimia  2 na Fedha  za Miradi  ya Maendeleo ni kiasi  cha TZS  272,794,709.00  sawa   na asilimia 3.

Makusanyo  hayo  ya Mwezi  Septemba 2021  yamepelekea    kuwa  na  jumla ya   ya kiasi cha TZS 6,751,698,717.00 kwa  kipindi cha  Julai –Septemba 2021  sawa  na asilimia 17  kwa mchanganuo ufuatao;-

• Mapato  ya ndani  kiasi cha TZS   781,688,987.30 sawa na asilimia 28
• Ruzuku  ya  Mishahara  kiasi cha TZS 4,987,053,000.00 sawa na asilimia 20
• Matumizi  mengineyo   kiasi  cha TZS 417,546,249.98 sawa   na asilimia   22
• Miradi ya  maendeleo   kiasi cha TZS  565,410,479.28 sawa  na asilimia      5

Pia iliwasilishwa taarifa ya utekelezaji wa miradi ya maendeleo, hadi kufikia tarehe 30 Juni 2021,  Halmashauri imepokea kiasi cha shilingi 950,313,489/= kwa ajili ya miradi ya maendeleo saw ana asilimia 7.6 ya fedha ya miradi.

Kati ya fedha hizo, 567,563,383/= ni mapokezi ya fedha nje ya ukomo wa bajeti saw ana asilimia 59.4 ya mapokezi ya fedha za miradi. Halmashauri imetumia jumla ya shilingi 239,801,600.2 sawa na asilimia 42.25 ya mapokezi.

Kikao hicho kilihudhuriwa na Mkuu wa Wilaya ya Sumbawanga Mh. Sebastian Waryuba, aidha alitoa maelekezo kwa taasisi za Serikali kama TARURA na nyinginezo kuwa “wakati wa utekelezaji wa miradi ya maendeleo ni mafuruku kuwa na bajeti ya dharura (emergency budget) kwa sababu zinaongeza gharama za miradi na kusababisha miradi hiyo kutokukamilika kutokana na kuisha kwa fedha, hivyo ni lazima kuongeza umakini wakati wa uandaaji wa gharama za miradi” aliongeza kuwa mabadiliko ya gharama yafanyike tu pale ambapo kuna ulazima wa kufanya hivyo mfano barabara imepitiwa na mkondo wa maji.